AungMyintMyat | An another chapter to be told!

နွေရာသီတွေကို စဝင်လာတာနဲ့ကုန်လွန်သွားမှာကြောက်နေရတယ်...
မိုးစက်ပေါက်လေးတွေကြတဲ့အခါတိုင်း သူမနှင့် ကျွန်တော်ရဲ့ ညနေခင်းလေးတွေကိုသတိရတယ်။ ညိုမှိုင်းနေတဲ့ ပင်လည်ကြီးကိုသတိရတယ်။

ကျွန်တော့်အလွမ်းတွေက တိမ်တွေလို လွင့်ပျံ့နေတော့မယ်လေ မခံနိုင်တော့တဲ့ ဝန်ထုပ်ဝန်ပိုး၁ခုလို ကျွန်တော် ရွာချလိုက်ပါရစေ။

သစ်ပင်တွေလဲ ကြွေသွားဖူးတဲ့ အရွက်ကလေးတွေကို လွမ်းမိမှာပဲလေ။ ခပ်စိုစိုနဲ့ စိမ်းနေတဲ့အရွက်လေးတွေ အဖြစ်နဲ့ပဲဖြစ်ဖြစ် ကျွန်တော် သူမကိုသတိရနေမိတယ်။

ဒီလိုနဲ့ ကျွန်တော်ရဲ့ အလွမ်းတိမ်ခိုးတွေက ပိုတိုးလာပါဦးမယ်။ အတိတ်ရဲ့တစ်နေရာရာမှာတော့ သူနဲ့ ကျွန်တော် ရှိနေကြဦးမယ်နော်။ ပင်လည်ကြီးကတော့ အရင်လိုပဲမြောနေဦးမှာပါပဲ....။

သူမကိုလည်း ကျွန်တော် အကြောင်းပြချက်မရှိ လွမ်းနေဦးမှာပါပဲ။

မိုးစက်တွေစိုနေတဲ့ မျက်ခင်းပြင်ကနေ လှမ်းမြင်နိုင်တဲ့ အထပ်မြင့် အိမ်ယာကြီးတွေနဲ့အတူ၊ ရုပ်ရှင်ရုံကလက်မှတ်တွေနဲ့အတူ။တူတူစားနေကြ
အာလူးကျော်လေးများနှင့်အတူအတိတ်ကလဲ အိပ်မက်တစ်ခုလို ချိုမြိနေလိုက်တာ။

ဒါဟာကြည်နူးဖို့ကောင်းလိုက်တဲ့ နာကြင်ခြင်းတွေပဲဗျာ။အခုတော ကျွန်တော် နာကြင်စွာနဲ့လွမ်းနေရပြီပေါ့။
မဖြစ်နိုင်ဘူးဆိုပေမဲ့ ညိုအုပ်အုပ်အလွမ်းတွေကို စွန်တစ်ခုလို လေထဲလွှတ်တင်လိုက်ခြင်ရဲ့။

ပင်လည်ထဲကပြန်လာရင်တော့ အလွမ်းတွေယူမလာနဲ့ပေါ့ကွယ်။

တကယ်တော့ သူကိုယ်တိုင်ကိုမသိခဲ့တာပါ။ ကျွန်တော်က သူ့ကိုမသိမသာ ချစ်နေမိခဲ့တာ။ကျွန်တော် တစ်ကိုယ်ကောင်းဆန်စွာ သူ့ကိုချစ်နေခဲ့တာပဲလား။
အလွမ်းတွေနဲ့ရင်ဆိုင်ရတဲ့အချိန်ရောက်တော့ ကျွန်တော် ဖြားသွားခဲ့တယ်။
ငါမချစ်တက်ဘူး"လို့ သူမပြောဘူးတယ်။ ကျွန်တော်ကလည်းမချစ်တက်ပဲချစ်ခဲ့တဲ့ကောင်ပါ။

သူမ
ကျွန်တော့်ကိုတစ်ခါတစ်လေ သတိရနိုင်လား။

တကယ်ပါ
ကျွန်တော်မမျှော်လင့်ရဲဘူး။

ကဗျာ(၁)
ကောင်မလေးရေ
ငါ့ကို့ ဘာသာမပြန်ပါနဲ့...။
ငါက အရူးတဝက်နဲ့ မူးနေတဲ့ကောင်ပေါ့

ငါက အရောင်တွေကို မုန်းတဲ့ကောင်
အဖြူရယ်အမဲရယ် နောက်ကွယ်က ငါတို့
အညိုရောင် ဇတ်လမ်းတွေက ဘဝနဲ့ခြည်ပြီး
ရောင်ပြန်ဟက်နေတယ်။

ငါက ၁ခုခုကြူးလွန်ဖို့အကြောင်းပြချက်ရှာတက်တဲ့
ကောင်တော့မဟုတ်ဘူး...။

ကောင်မလေးရယ်
ဘာဖြစ်လို့လဲတော့မသိဘူး ငါမင်းကိုအခုအထိ
ချစ်နေတယ်....။

ကဗျာ(၂)
ကောင်မလေးရယ်
မင်းငါ့ကို ဘာလို့နားမလည်ခဲ့တာလဲ
မနေ့တုန်းကအကြောင်းအရာတွေလဲ သူ့အလိုလိုရှိနေတယ်
၁ခုပဲ ထူးခြားတယ်
ငါဆိုတဲ့ လဒက လွယ်လွယ်အတိတ်မေ့တက်တဲ့ကောင်
မင်းကြမှ ရင်ဘတ်ထဲမှာလာတစ်နေတယ်
ငါမင်းကို ဘာနဲ့မှမဖြေနိုင်ခဲ့ပါဘူးကွယ်....။

ကဗျာ(၃)
ငါ့အိပ်ဆေးတွေကုန်တော့မယ်
ငါ့ဘဝရဲ့ရှင်သန်ချိန်တွေ အတော်များများ
ပျော်အောင်သာအိပ်ပြစ်လိုက်တော့တယ်
ငါတို့အိပ်မက်ထဲ မတွေ့ခဲ့ကြရင်ကောင်းမယ်နော်။

ဘဝက ဇာတ်လမ်း၁ပုဒ်လိုဖြစ်သွားပြီ
ငါကဇာတ်ညွှန်းရေးဆရာ...
ငါက အဓိကဇာတ်ဆောင်...
ငါ့ဇာတ်ရုပ်ကို အကောင်းဆုံးဖြစ်အောင်ဆွဲထားတယ်
ကောင်မလေးရေ မင်းကြောင့်
အမှန်တွေလား အမှောင်တွေလားငါမကွဲတော့ဘူး
ငါတို့ တကယ်ဝေးသွားပြီပေါ့နော်.။

ဇာတ်သိမ်း
ဘာမှမဟုတ်ပါဘူး... သတိရတာပါ ။

ကျွန်တော်သိချင်နေတာတစ်ခုရှိတယ်။ ပတ်ဝန်းကြင်အခြေအနေတွေက
ကျွန်တော်တို့ခံစားမှုတွေကိုလွှမ်းမိုးနိုင်မလား
ဆိုတာပါပဲ။သေချာတယ်လက်ရှိအခြေအနေမှာ
ရေပန်းစားနေမဲ့အကြောင်းအရာက
ဂျပန်ကဆူနာမီဖြစ်ရမယ်။
နောက်ပြီးအက်စစ်မိုးရွာမယ်ဆိုတဲ့
ကောလဟာလအကြောင်းဖြစ်ရမယ်။
ကျွန်တော်အဲ့ဒိအကြောင်းတစ်စုံတစ်ရာ
မရေးမိအောင်ကြိုးစားနေမိတယ်။
ဟောကြည့်ရေးမိသွားပြီ၊ အဲ့လိုပဲကျွန်တော့်အပေါ် ပတ်ဝန်းကျင်အခြေအနေတွေကလွှမ်းမိုးနေတယ်ဆိုတာ...။
မိုးရွာနေပြီဆိုရင်ကျွန်တော်တစုံတရာကိုခံစားမိနေသလိုပဲ...။
လွမ်းလွမ်းဆွေးဆွေးခံစားမှုမျိုးဖြစ်နိုင်တယ်..။ဟောကြည့်ဒါလည်းပတ်ဝန်းကျင်အခြေအနေတစ်ခုပဲ...။
ကျွန်တော့်စာလဲပြောနေကြဇူးဇ်နတ်မင်းနဲ့အလင်းနဲ့အမှောင်နဲ့ပြသနာလိုဖြစ်နေပါပြီကောလား။ အဲ ပြသနာတွေရဲ့အရင်းအမြစ်ကိုရှာပြီ။အဲအဲ့လိုပြောပြန်တော့ ၊မြှားဒဏ်ရာကိုကုမလား၊ပြစ်တဲ့မြှားကိုရှာမလား ဒီနေရာရောက်လာပြန်ပကော။အဲ့လိုနဲ့သံသရာလည်နေတာ။နောက်တော့လဲ
ဘာမှမဟုတ်သလိုပဲထားလိုက်ပြီ။

"ဗိုက်စာနေ၍ ကဗျာရေး၍မရ" (ကိုအောင်ချိမ့်-လက်ရှိအခြေအနေ)
ဒီစာလေးကကျွန်တော်ကိုဒီလိုအတွေးတွေစာဝင်စေတာလားပဲ...။ ဟုတ်တယ်လက်ရှိအခြေအနေတွေက ကျွန်တော့်တို့ကိုမိနစ်တိုင်းလွှမ်းမိုးနေတယ်။ကျွန်တော်အာမ မခံ နိုင်တာတစ်ခုရှိတယ်ဒီစာဖတ်ပြီးရင်ခင်ဗျားကိုအကျိုးတစ်ခုခုဖြစ်စေနိုင်တယ်ဆိုတာမသေချာဘူး ခံစားမှုတစ်ခုခုပေးမယ်လို့တဲ့ထင်တယ်။ဥပမာခင်ဗျားရဲ့လက်ရှိအခြေအနေကိုသတိထားမိတာမျိုးပေါ့။
အဲအခုစာကြောင်းဆုံးသွားရင်လဲမသေချာတော့ပြန်ဘူးခင်ဗျားကိုယ်တိုင်ဒီစာရဲ့လွှမ်းမိုးမှုကိုမကျေမနပ်ဖြစ်ပြီး တမင်မသိသလိုလဲနေနိုင်တယ်။မသိသလိုနေနေတာကိုက ခံစားမှုတစ်ခုဖြစ်နေပြန်ရော။ အဲဒီလိုနဲ့ပထမစာကမှန်သွားပြန်ရော။အဲအခုပြန်မှားသွားပြန်ပြီ။ဟောပြန်မှန်သွားပြန်ပြီ။
သံသရာကအတော်လည်လာပြီ။ကျွန်တော်တို့ကပဲအရောင်ထင်လွယ်သလား၊ကျွန်တော်တို့ကြောင့်ပဲ
အရောင်တွေထင်သလားသေသေချာချာမသိဘူး၊ကြိမ်းသေတာ အရောင်တွေတော့ရှိနေပြီ။တကယ်ပဲသတ်မှတ်ချက်တွေရှိနေတာပဲ။အခုပဲကြည့်လေ ကျွန်တော်ကအရစ်ရှည်ပြီးစထားတဲ့စာလေးကိုဘယ်လိုလေးအဆုံးသတ်ရမလဲစဉ်းစားနေရပြီ။
ဟောကြည့်ကြည့်ဦး တကယ်ပဲအဆုံးအသတ်တစ်ခုလိုအပ်နေတာရော ဟုတ်လို့လား။ အခုအနေအဆုံးသတ်လိုက်ရင်ရောစာကတိုနေမလား။ဒီစာကရှည်ဖို့ရောလိုလို့လား။
တိုဖို့ရောလိုလို့လား။ခေါင်းစဉ်တစ်ခုတပ်ရမယ်ဆိုရင်ရောဘာတပ်ရမလဲ။
ကျွန်တော်ကရောဘာကိုရည်ရွယ်တာလဲ။ဟောမရည်မရွယ်ထားဘူး။
အဲရည်ရွယ်ထားတယ်။ကဲကြည့်ထပ်လည်နေပြန်ပြီ။လည်တာတွေများနေတော့လည်မူးနေပြန်ရော အကုန်မူးနေတော့ ပုံမှန်ပြန်ဖြစ်သွားရော၊ဟောပုံမှန်ဖြစ်နေတာကနေ အရည်ဝင်ပြီးမူးလာတော့တော့ မူလအနေအထားပြန်ရောက်ပြန်ရော။အဲပတ်ချာကပြန်လည်နေပြီ။အရက်သမားတွေလဲ ကျွန်တော့်ကြောင်းမူးကောင်းမူးနေနိုင်ပြန်ပြီ။

အကုန်လုံးမိုးခါးရေသောက်ကြရပြီဆိုပါတော့၊ လူတစ်ယောက်က မသောက်ဘူးတင်းခံတယ်၊ အဲမသောက်ဘူး၊ဟုတ်တယ်၊မသောက်ဘူး၊မသောက်ဘူး၊မိုးခါးရေသောက်ရင်ရူးနိုင်တယ်။
အဲတင်းခံလိုက်တာတစ်လောကလုံးမိုးခါရေးသောက်ပြီးချိန်မှာသူကျန်နေတယ်မသောက်သေးဘူး၊
ဒီအချိန်မှာပဲသူအလိုလိုအရူးဖြစ်သွားရော။အဲကောင်းနေတဲ့လူကရူးတာလား၊ရူးနေတဲ့လူမှကောင်းတာလား။
မူးနေတဲ့လူမှကောင်းတာလား၊အမူးပြေတဲ့လူမှကောင်းတာလား။ကျွန်တော်က မူးနေတာလား၊ရူးနေတာလား။ အားလုံးကရော။ မေးလိုက်ဖြေလိုက်နဲ့ သံသရာက ဆန့်မရအောင်ရှည်သွားပြန်ရော...။အသာလေးအရောင်ပြောင်းတက်စီးသွားယုံနဲ့ပြီးနေတာကို အလုပ်ရှုပ်ခံနေမိတာများလား။ ဘယ်တော့မှရှင်းမရနိုင်တာမျိုးလား။ဘာဖြစ်ဖြစ်မနက်ဖြန်မှာမျက်နှာသစ်ဖို့ ဒီလည်နေတာကြီးမှာဆက်မျောနေဖို့လိုသေးတာပဲနော့်...။

 အမှတ်ရစာတစ်ခုခုကြုံတွေ့တိုင်း ကျွန်တော်သတိရရနေတက်ပါသည်။ သူမလည်းကျွန်တော့်လို တစ်ခုခုခံစားနေရမည်ဟုကျွန်တော်ထင်သည်။
ဟုတ်ချင်မှလဲ ဟုတ်လိမ့်မည် ။ သူမသည်အဆိုးမရသည့် မိုးစက်ပွင့်လေးတစ်ပွင့်နှင့်တူသည်ဟူ ကျွန်တော်ထင်သည်။ ကျွန်တော်နှင့်သူကြားမှာ မိုးစက်ပွင့်လေးပေါင်းများစွာ
ဖြတ်စီးဆင်းဖူးပါသည်။ သူမနှင့်ကျွန်တော်နှင့်လက်ချင်းတွဲပြီးလမ်းအတော်များများလဲလျှောက်ခဲ့ကြပါသည်။ ကျွန်တော်နဲ့သူမတို့ ကျောခိုင်းချိန်တွင် တော့
ကျွန်တော်သူမကို မလှည့်ကြည့်မိခဲ့။ သူမလဲလည့်ကြည့်မှာမဟုတ်ဘူး တစ်ထစ်ချယုံကြည်သည်။

အခုတော့ကျွန်တော်တစ်ယောက်ထဲ ထိုင်နေကြတောင်ကုန်းလေးထိပ်မှာ တစ်ယောက်ထဲထိုင်နေပြီး တစ်ခါတုန်းက သူမနဲ့ကျွန်တော်တို့၏ အမှတ်တရလေးများကို သတိရနေမိပါသည်။The Ritz Cafe မှာအတူထိုင်ခဲ့စဉ်က သူမပြုံးခဲ့တဲ့အပြုံးတစ်ချို့က ပျောက်ပြယ်ခဲ့ပါပြီ။ အခြားတစ်ယောက်နှင့်သူမပြုံးနေနိုင်ပါသည်။မသေတော့ မသေချာပါ။ မသေချာပါ... ကျွန်တော်ကဘယ်သောအခါကမျှ မသေချာခဲ့ပါ။
                                                     "ဝက်ခြံတွေ့ရင်လေညှစ်လိုက်ရမှကျေနပ်တာ"
                                                     "နင့်မျက်နှာမှာ ငါစိတ်ဝင်စားတာတစ်ခု ရှိတယ် သိလား" 
ကျွန်တော်သူ့ကိုငါ့ဝက်ခြံတွေမလားဆိုတော့"အင်း"လို့ပြန်ဖြေတက်တဲ့သူမကိုသတိရပါသည်။သူပြောခဲ့သလို သူမသည်ကျွန်တော့်ကိုအဆုံးစွန်အထိနားမလည်ခဲ့ပါ။ထိုနည်၎င်း ကျွန်တော် သည်အချစ်ကိုသေသေချာချာနားမလည်ခဲ့ပါ။ အချစ်သည် ကျွန်တော်တို့ အတူတူစားခဲ့သော အာလူးကြော်ကလေးများလို့ အဓိပ္ပါယ်ဖွင့်ဆိုလျှင်ရော ... သူမ မည်သို့တုန့်ပြန်မည်နည်း။ မိုးစက်လေးများ ကျွန်တော့်အပေါ်ကျလာပါသည်။ဆိုင်သလား မဆိုင်သလားတော့မသိပါ ကျွန်တော် သူမကိုလွမ်းမိပါသည်။သူမအကြောင်းတော်တော်များများကျွန်တော့်ဦးနှောက်ထဲကဆွဲထုတ်နေမိပါသည်။ "ငါ့ရည်စားထဲမှာ နင်က အရုပ်အဆိုးဆုံးပဲ"လို့သူမ ပြော ဘူးပါသည်။ကျွန်တော်သည် ဒုက္ခများကြားမှ အခက်အခဲများကြမှ ရဲရဲဝံ့ဝံ့ သူမကို ချစ်ကြောင်းပြောခဲ့ပါသည်။သူလဲ ကျွန်တော့်ကို ချစ်သည်ဟုပြန်ပြောခဲ့ပါသည်။
ငွေကြေးအပါအဝင် အဘက်ဘက်မှ အဆင်မပြေမှုများနှင့် သူနှင့်ကျွန်တော် ပြသနာတွေတက်ခဲ့ကြ၊ပြန်ပြေလည်ခဲ့ကြနှင့် တစ်ဦးကိုတစ်ဦး ချစ်ခဲ့ကြပါသည်။
ယခုတော့ ကျွန်တော့်ထက် ပြည့်စုံသူတစ်ယောက်နှင့်သူမအဆင်ပြေနေပြီဟု ထင်သည်။ သူနှင့်သူမလဲရန်ဖြစ်နေနိုင်ပါသည်။ သူမအပေါ် ကျွန်တော်သိလျှက်နှင့်
ကြူးလွန်မိချင်းတစ်ခုရှိသည်။ သူမသည်နမ်းခြင်းကို မုန်းသူတစ်ယောက်ဖြစ်သည်ဟု ဝန်ခံခဲ့သည်။ သူမနှင့်ကျွန်တော်ကြားထဲတွင်ကျွန်တော် သိလျှက်နဲ့ ကြူးလွန်ခဲ့သော အနမ်းတစ်ချို့ရှိသည်။ ရုပ်ရှင်ရုံထဲ၊ကျွန်တော့်ရုံးခန်းကျဉ်းကျဉ်းလေးထဲ၊ အင်းယား ကန်ဘောင်က A21 ဟုရေးထားသောထိုင်ခုံပေါ်၊ တစ်ခါတစ်ခါပိတ်ပိတ်နေတက်တဲ့ The Ritz ကော်ဖီဆိုင်၊ Coffee Circle ရဲ့ အပေါ်ထပ် The Vue ကော်ဖီဆိုင်၊ ချောင်းသာမှဟော်တယ်အခန်းလေး၊ အာရှနဂါးExpress ကားပေါ် ၊ အစအစရှိသောနေရာတွေတွင် သူမအားကျွန်တော်အနမ်းတစ်ချို့ ကြူးလွန်ခဲ့သည်။ ထို့အနမ်းမှအပ ကျွန်တော်တို့ များစွာစောင့်ထိမ်းခဲ့ကြသည်။ ယခုတော့ ကျွန်တော်နမ်းခဲ့သော ဖြူဖြူစင်စင် အနမ်းမျိုးအား အချားလူတစ်ယောက်ပိုင်ဆိုင်နေပြီဟုထင်မိသည် ထို့အတူ သူမကျွန်တော်တို့စောင့်ထိမ်းခဲ့ကြသောဖြူစင်မှုမျိုးကို သူစောင့်ထိမ်းနေမည်ဟု ကျွန်တော်တထစ်ချယုံကြည်နေမိပါသည်။ ယခုတော့ သူမကိုကျွန်တော်မနမ်းတော့ပါ။ ထို့အတူ ကျွန်တော်အနာဂါတ်တွင် အနမ်းတွေအစား သူမအား လွမ်းနေသည့် အလွမ်းများသာ ကျန်ရစ်နေပါတော့သည်။

လောလောလတ်လတ်အခြေအနေရ ရာသီဥတုသည် ကျွန်တော့်ဘက်ပါတော့မလို မပါတော့လိုနဲ့ ညိုမလို လင်းမလိုဖြစ်နေသည်။
လှမ်းမျှော်ကြည့်ရင်မြင်နိုင်သော မီးခိုးများအူ၍ ထွက်နေသော တောင်စောင်းတစ်နေရာလဲတွေ့နေရသေးသည်။
လွန်ခဲ့သောမိနစ်အနည်းငယ်က တီးထားသော ဂစ်တာလေးသည် ပိုးလိုးပက်လတ်လဲနေသည်။ လွန်ခဲ့တဲ့မိနစ်အနည်းငယ် မယင်ငယ် တုန်းပိသံ နှင့်ဆိုထားသည်
"တိတ်တိတ်ဆိတ်ဆိတ်နဲ့သိနားလည်ငိုကျွေးဖို့..."ဆိုတဲ့ chorusလေးညည်းမိတိုင်း မောင်မောင်ဇော်လတ်ကို ကျွန်တော် ချီးကြူးမိသည်။ ချီးကြူးမိသည့်စကားလုံး အား ကျွန်တော် ချေးကြူးမိသည်ဟု ပေါင်းမိသည် ထို့နောက် ခြီးကြူးမိသည်ဟုပေါင်းမိသည် နောက်ဆုံး စောစောက စာကြောင်းမှာလိုပေါင်းလိုက်သည်။ မှန်ချင်မှန်မည် မှားချင်လဲမှာနေနိုင်သည် ။ စာလုံးပေါင်းသတ်ပုံ အတွက် ကျွန်တော်တာဝန်မယူနိုင်။ လောလောလတ်လတ် အခြေအနေရ နားထဲတွင်ရယ်သံအချို့ကိုစိတ်တိုနေသည်။
ဘဝဆိုတာကို အဓိပ္ပါယ်ဖွင့်ကြည့်နေသည် ကျွန်တော် အနည်းငယ်ရယ်ချင်သွားသည်။ ဟုတ်သည် ... သူ့ဟာသူ ဆောက်တလွဲဖြစ်နေသည်။ ခပ်ရိုင်းရိုင်သုံးမိ၍လားမသိ ရန်ကုန်မှ မာဆက်အမည်ခံ ဘိတွေအကြောင်းသတိရသည်။ ကျွန်တော်သိနားလည်စွာ ကစားဖူးသော နေရာများဖြစ်သည်။ ထို့နောက်တစ်နေကုန်အင်တာနက်ထိုင်သုံး ဘူးသော တိုကျိုဒိုးနပ်ကိုသတိရသည်။ ကျွန်တော့်ကို စာလုံးပေါင်းမှာသည်ဟု ဝေဖန်တက်သူများကိုလဲသတိရနေသည်။ ဘဝမှာ ကျွန်တော် ဘယ်သောအခါမှ သတ်ပုံ မစစ်ပါ....။ လက်ရှိအနေအထားရ ကျွန်တော်မှားနေနိုင်သည် မြင်ခဲ့သည်ပင်လျှင် အမှန်ကိုပြင်ဖို့ကျွန်တော့်တွင်အစီအစဉ်မရှိ။ အစီအစဉ်ဟူ၍ ဆိုရအောင်လည်း မည်သည့်အရာက အစဉ်လိုက်လာနေသနည်း....။ ဖြေပါ။မဖြေနိုင်လဲနေပါ။ ထူးအိမ်သင်ဆုံးသွားတာကြာပြီ ဒါကိုကျွန်တော်သိသည် ခင်ဗျားတို့လဲသိပါလိမ့်မည်
သူ့သီချင်းတချို့ရှင်သန်နေသည်.... ချစ်ချင်းအားဖြင့် သူ့၏ အခြားသောဖန်တီးမှုများကိုတောင့်တသည်။ အနည်းဆုံးသော မိမိဒိုင်ယာရီ မှ ကောင်းနိုးရာရာများ(အကောင်းခြည်းပဲရေးထားသော မှတ်တမ်းများ) အားကောက်နှုတ်၍ စာအုပ်ရေးရောင်းသူများကို အမြင်အနည်းငယ်ကတ်နေသည်။ ထို့နောက်စကားကြီးစကားကြယ် ပြောလွန်းသော လူတစ်ယောက်ကို ဘယ်လိုစာမျိုးနဲ့စောင်းချိတ်ရင်ကောင်းမလဲစဉ်းစားမိသည်။ ယခုလောက်နှင့်လုံလောက်ပြီဟုထင်တယ်။
အတိတ်သည် ခပ်မှိန်မှိန် ရှိနေသလို အနာဂါတ်သည် ဝိုးတိုးဝါးတားဖြစ်နေသည်။ မနေ့ညက မန်ယူရှုံးသည် ကျွန်တော်ပျော်သည်။
ဘာရယ်မဟုတ် သူတို့ကိုမုန်းသည်။ သူတို့လဲ ကျွန်တော့်အားသိမည်ဆိုလျှင် မုန်းနိုင်ပါသည် ။သို့သော် သူတို့ကျွန်တော့်အားမသိသဖြင့်
အမုန်းသံသရာမရှည်တော့ ကံကောင်းသည်။ မဆီမဆိုင် လွန်ခဲ့သောလအနည်းငယ်ကလားမသိတော့ သေသွားပြီကြားသော ရေဘဝဲပေါလ်အားသတိရသည်။
ပြည့်ကြီးငါး ,ကင်းမွန်သို့မဟုတ်ရေဘဝဲ ထုတ်ထုတ် ထုတ်ထုတ်နေမည့် ပင်စာအချို့စားချင်နေသည်။ မနက်တုန်းက ပိုတဲ့ အီကြာကွေးလေးလဲ ကျွန်တော့်လို ပျောတီးပျော့ဖတ်ဖြစ်နေပြီဟုထင်တယ်။ညနေလေးနာရီခွဲကျော်ပြီ ယခု ကျွန်တော်လဲ နှစ်လုံးထီထွက်ချိန်ကို သတိမိလာကြောင်းစဉ်းစားမိသည်။
ထိပ်စီးငြိမ်လောက်ပြီဟုထင်သည်၊ ဖြစ်ချင်ရာဖြစ်နိုင်သည်။ယနေ့ခန့်မှန်းချက်များအရ မနက်ဖြန်ဖြစ်လာမည့်အကြောင်းတရားများအား မနက်ဖြန်တွင်သိနိုင်မည်ဟု သတင်းရရှိပါသည်။

ကျွန်တော်တို့တွေလောကကြီးကိုတန်ဖိုးတွေကိုယ်စီကိုယ်စီသတ်မှတ်ခဲ့ကြတယ် ကျွန်တော်တို့ကိုယ်တိုင်ကျွန်တော်တို့အတွေးတွေ ကျွန်တော်တို့အတ္တတွေနဲ့ ဘဝတွေကိုတည်ဆောက်ခဲ့ကြတယ် အမှန်ပဲဖြစ်ဖြစ် အမှားပဲဖြစ်ဖြစ် ကျွန်တော်တို့က ပုံစံခွက်တစ်ခုထဲမှာအံဝင်ခွင်ကြနေထိုင်ခဲ့ကြရတာမဟုတ်လား။
ဆိုကြပါစို့ ကျွန်တော်တို့တွေကို မူးယစ်ဆေးဝါးနှင့်ပတ်သက်ပြီး အကောင်းအဆိုးတွေဝေဖန်ချက်တွေရှိလာတယ်ပေါ့ မူးယစ်ဆေးဝါးသည် ခဏတာမျှ သာယာမှုပေး၍ ဆင်းရဲမှုပေါင်းများစွာ ပျက်စီးမှုပေါင်းများစွာကို ဖြစ်ပေါ်စေနိုင်တာကြောင့် လူ့အဖွဲ့အစည်းမှတားမြစ်သည် ဆိုပါစို့ .... အဲ့ဒိမှာတင် လူ့အဖွဲ့အစည်းရဲ့ လောလော လတ်လတ်ဘဝ ကိုဖက်တွယ်လိုမှုတွေအထင်းသာမြင်နိုင်တယ်လို့ထင်တယ်။အကယ်၍ ကျွန်တော်တို့ထဲက တစ်စုံတစ်ယောက်သာ ထိုအဖွဲ့အစည်းကို ဆန့်ကျင်မိ ခဲ့ပြီဆိုလျှင်လဲ ထိုသူကို လူ့အဖွဲ့အစည်းက အနှေးနဲ့အမြန်ဖြတ်ထုတ်ပြစ်ဖို့ကြိုးစားမည်မှာအသေအချာပင်ဖြစ်သည်။ ကျွန်တော်တို့တွေသည် ဥပဒေတွေတည်ထွင်ခဲ့
ကြသည်၊ကျွန်တော်တို့ထဲမှာ လူတစ်ချို့က ဘုရားသခင်ကိုယ်စီဖန်တီး၍ ကျွန်တော်တို့အား နှစ်ပေါင်းထောင်ချီ သူတို့နာမည်ကျန်ရစ်စေကာ အနိုင်ယူဗိုလ်ကြခဲ့သည်
ကျွန်တော်တို့သည် အမှန်အမှားတွေအတွက် စစ်ပွဲတွေဖန်တီးခဲ့သည် ကျွန်တော်တို့တွေ ထဲမှ အရာရာကိုဖန်တီးခဲ့ကြသည်။ ကျွန်တော်တို့အားလုံးသည် အမှန် ၊
အမှားကြာမှာ ပိတ်မိနေကြသူတွေသာဖြစ်ကြပါသည်။

လွန်ခဲ့သောရက်အနည်းငယ်က ကျွန်တော့်သူငယ်ချင်းရဲ့အမျိုးသမီးက သူတို့၏ ကလေးသည်အရာရာသာမာန်ဖြစ်ကြောင်းပြောခဲ့ရာ မဆီမဆိုင် ကမူး၏ The Outsider(စည်းပြင်ကလူ)အပေါ်ဆရာ ထင်လင်းဘာသာပြန်ရာရေးသားခဲ့ရာ ဖတ်ခဲ့မိသောအမှာစာက စိတ်ထဲရောက်လာပါတယ်။ ကျွန်တော်တို့အားလုံသည် ပုံမှန်အနေအထားဖြစ်ကြပါသည် ကျွန်တော်တို၏ အသက်ရှူသံများတွင်ပင်မူ ပုံမှန်အနေအထားမျိုးဖြစ်ကြသည်။ ကျွန်တော်တို့တွင် တစ်ယောက်ယောက်၏ အခြေခံအားဖြင့် မိမိအပေါ်အားကြခံလိုခြင်း မိမိအားကြရသောလူများနေရာတွင် အစားထိုးချင်း၊ ဇတ်ကောင်တစ်ချို့နေရာတွင်မိမိကိုယ်ကိုယ် အစားထိုးကာ Shakespears ၏ပြဇတ်ဆန်ဆန်ဇတ်လမ်းများဖန်တီးခဲ့ကြခြင်း စသည်ဖြင့် အတော်ခပ်ဆင်ဆင် တူနေကြသည်။ ကျွန်တော်တို့သည် မာဆိုးကဲ့သို့စည်းပြင်ကလူ ကိုလည်း ထိုပုံပြင်အတိုင်းသာ စီရင်ခဲ့မည့်သူများသာ ဖြစ်ကြပါသည်။လောကတွင်အခြားသောအရာများနှင့်အသက်ရှင်သန်ရန် ကြိုးစားခဲ့ကြ ရာတွင်လည်း ဘဝနဲ့ချည်ကာ လိမ်ညာတက်သူများဖြစ်ကြပါသည်။တကယ်တော့ လောကတွင် ကောင်းခြင်း၊ဆိုးခြင်း၊ မှန်ခြင်း၊မှားခြင်းအားလုံးသည်လဲ ကျွန်တော်တို့ကိုယ် တိုင်ရေးသားခဲ့သည် ဥပဒေများသာဖြစ်ကြပါသည်။

ကျွန်တော်တို့သည် ကိုယ်တိုင်ရေးသားခဲ့သော အရာများနှင့်ပိတ်မိနေတက်ကြသည်။ထို့အပြင်အခြားလူများရေးသားခဲ့သောအရာများတွင်လည်း  ပိတ်မိနေတက်ကြသည်။ ကျွန်တော်တို့အချို့သည်ထဲမှ စည်းမျဉ်းစည်းကမ်းများနှင့် တကွ ဘာသာတရားအချို့တီထွင်ခဲ့သည်။ ထို့အတူ ဘုရားသခင်ဆိုသည့် မင်းသားခေါင်းနှင့်ဘီလူးများကိုလည်းဖန်တီးခဲ့ကြသည်။ ကျွန်တော်တွေ့ရှိခဲ့သော် ဘာသာတရာများတွင် ဖန်တီးသူများ၏ လောဘအချို့လဲပါရှိလာတက်ပါသည်
မိမိကိုယ်ကိုယ်အားကိုချင်စိတ်နည်းသောသူများသည် ထိုဇတ်ကောင်အား အဆမတန်အားကိုးတက်ကြသည်။ ကျွန်တော်အားလုံးသည် ကျွန်တော်တို့၏ အပြုအမူများ နှင့်တိုက်ရိုက် အချိုးကြ ဖြစ်တည်နေကြသူများသာဖြစ်ကြသည်။ ထို့ကဲ့သို့နောက်တွင်ကြိုးကိုင်နေမည့် ဇတ်ကောင် တစ်ကောင်မှမရှိသည်မှာ ကြိမ်းသေသည်ဟု ယုံကြည်ပါသည်။

အမှန်က ကျွန်တော်တို့သည် မျဉ်းများနှင့်ပိတ်မိနေခဲ့ကြသည်၊ ထိုမျဉ်များသည် ကျွန်တော်တို့၏ ဘဝများကို ကန့်လန့်ဖြတ်အနေအထားလည်းကောင်း၊ထောင်လိုက် အနေအထားလည်းကောင်း ကျွန်တော်တို့ကိုယ်တိုင်ရေးဆွဲခဲ့ကြသည် ။ဒီဂရီအနည်းငယ် တိမ်းဆောင်းယုံမှလွဲ၍ ခပ်ဆင်ဆင်တူသော မျဉ်းများနှင့်သာ အသက်ရှင်နေခဲ့ကြသူများဖြစ်ပါသည်။

ကျွန်တော့်ခန္ဒာကိုယ်ပေါ် သူတို့ခုန်ဆင်းလာတုန်းက
ခပ်စိမ့်စိမ်နာကြင်မှုတွေကို တွေ့ရတယ် ။
မိုးစက်လေးတွေလိုပါပဲ
ကျွန်တော် အချိန်တန်ရင် အငွေ့ပြန်မယ် ပြန်ရွာချမယ်။
တိမ်လေးလို ပေါ့ပေါ့ပါးပါးလွင့်ပြန်နေမယ်။
မြစ်တွေချောင်းတွေမှာ ညစ်ကြယ်ကြယ်နဲ့ စီးဆင်းနေမယ်။
ပင်လည်တစ်ခုလို လှိုင်းလေတွေနဲ့ တည်ငြိမ်နေမယ်။
တကယ်တော့ ကျွန်တော်က အဖြူရောင်ဆိုတာထက်
မိုးစက်တွေလိုအကြည်ရောင်ပါ
ကျွန်တော့် ပတ်ဝန်းကျင်က ပဲ
ကျွန်တော့်ကို ချယ်သခဲ့တာ .....။
လူတစ်ချို့အပေါ် ခပ်စိမ့်စိမ့်ရွာချဖူးယုံက လွဲလို့
ဒီထက်မပိုခဲ့ပါဘူး။
မိုးစက်ပွင့်လေးရဲ့ ကိုယ်ပိုင်စာမျက်နှာက
အဖြူရောင်တွေနဲ့
ဟောင်းနွမ်းနေခဲ့တာ...။

အချစ်ဆိုတာ နာမ်ပုဒ်တစ်ခုလား
ဒါမှမဟုတ်ကြိယာတစ်ခုလား
အချစ်ဆိုတဲ့ စကားလုံးနဲ့သင့်တော်တဲ့ဝါကြ ကို
ကျွန်တော့် ဒိုင်ယာရီထဲမှာရှာမတွေ့ခဲ့ဘူး။

ဒီလိုနဲ့ သူမကိုကျွန်တော်ဆုံးရှုံးခဲ့တာ။

သူမကိုဆုံးရှုံးခဲ့ပြီး နေ့ရက်တွေမှာ
အချစ်ဆိုတာ ကိုသဘောပေါက်လာခဲ့တယ်
ဘ၀မှာ တစ်သက်လုံးမှာမှ တစ်ကြိမ်ပဲ
လုပ်ရုံလုပ်ခဲ့တဲ့အရာတစ်ခုပါ....။
သူမကို ဆုံးရှုံးပြီး နောက်ပိုင်း
ကျွန်တော့် ဒိုင်ယာရီထဲမှာ
အချစ်ဆိုတဲ့ စကားလုံးကို
ပုဒ်မ အပြည့်ချခဲ့တယ်။

ကိုယ်ပိုင် အဓိပ္ပါယ်ဖွင့်ဆိုချက်တွေနဲ့
အချစ်က ပြည့်စုံနေလိုက်တာ။
ချစ်သူရေးသားခဲ့တဲ့ နေစွဲတွေကို
တိုးတိုးလေး တမ်းတ
ဂစ်တာလေးနဲ့
"အမြန်လာပါ ....အိပ်မက်လေးရေ...."
လို့ ညဉ်းမိတုန်း တစ်ခါတုန်းက
အကြောင်းတွေ ခေါင်းထဲရောက်လာတယ်
ဟုတ်တယ် ကျွန်တော့်အတိတ်တွေက
တစ်ခါတုန်းက လို့ ခေါင်းစဉ်တက်လောက်အောင်
ကိုဟောင်းနွမ်းသွားခဲ့ပြီ။
အရောင်မှိန်ခဲ့တဲ့ အိပ်မက်တွေနဲ့ပေါ့။

အခုချိန်ထိကိုယ့်စိတ်နဲ့နှိုင်းနေကြတုန်း
တောက် ... ရိုင်းလိုက်ကြတယ်လူတွေ
နောက်တစ်ခါ လာစော်ကားရင်
တန်ရာတန်ကြေးထက်
ပိုပေးဆပ်ရလိမ့်ဆိုတာ
ခင်ဗျားတို့ ခေါင်းထဲထည့်ထား။

ပစ္စုပ္ပန် အကြောင်းချရေးဖို့ကြိုးစားတော့
အရှုံးချည်းပဲထပ်နေတယ်...။
လောလောလတ်လတ်Blade ဓါးဝယ်ဖို့ပိုက်ဆံမရှိလို့
ရှည်ထွက်နေတဲ့ နှုတ်ခမ်းမွှေးနဲ့ပါးသိုင်းမွှေးပါးပါးရယ်
မလျှော်ဖြစ်ပဲပုံနေတဲ့အ၀တ်တွေရယ်
အင်္ဂတေအေးစက်စက်ပေါ်မှာအိပ်ရမဲ့ညတွေ။
ပါပီလွန်ရေ လဒလောက်တော့ငှက်တိုင်းလှတယ်ပြောပါဦးလား။

ဘ၀ဆိုတာ နားလည်ဖို့ဖြစ်နိုင်တဲ့အရာတစ်ခုများဖြစ်နေမလားလို့
အဓိပ္ပါယ်ထိုင်ပြန်နေခဲ့တာ တစ်ဘ၀စာနာသွားတယ်..
နာမည်ကသာ "ဘ၀" ဘယ်နားက ၀ မှန်းမသိဘူး
လောလောဆယ်ကျွန်တော် တော်တော်ဗိုက်စာနေတာ...။

တစ်နေ့နေ့တစ်ချိန်ချိန်မှာ တခုခုဖြစ်တည်ခွင့်အပြင်
ဘ၀မှာ ရေရေရာရာရာ မမျှော်လင့်နိုင်တော့ဘူး
တစ်နေ့နေ့တော့ တစ်ခုခုဖြစ်မှာပါ
ဟုတ်တယ်လေ တစ်နေနေ့တောင်မဟုတ်ဘူး
အခုလဲ တစ်ခုမဟုတ် တစ်ခုဖြစ်နေတာပဲ။

ပိုက်ဆံအိပ်ထဲက ချလွင်ချလွင် အသံကြားရထဲက ဘတ်စေ့အချို့ရှိနေပြီ
မြန်မာပြည်က ခပ်ပေါပေါ စီးကရက်က ဒီမှာတော့ အတော်တန်ဖိုးရှိတယ်
ကျွန်တော့်အဆုတ်ထဲမှာ နီကိုဒင်းတွေလှိုင်လို့။

အမြဲရှိနေတာမရှိခြင်းတွေပဲ(တဲ့)ဟုတ်လား .....
အဲဒိမရှိခြင်းတွေရှိနေတဲ့နေရာမှာ ကျွန်တော်က အမြဲရှိနေရတာလဲ
ဖြေပါ ဖြေစမ်းပါ ကျွန်တော်ဘာလို့ရှိနေရတာလဲ။

ခေါင်းရင်းမှာ အလုံး၂၀လောက်သောက်မှ 
အဆင်ပြေမဲ့ အိပ်ဆေးတစ်ချို့ရှိနေတယ်
ဒီလောက်အအေးဒဏ်မှာ
ဒီဆေးလုံးလေးတွေမှမကယ်ရင်
ကျွန်တော် အေးခဲနေလောက်ပြီ...။

သေခြင်းတရားက ပင်ပန်းတယ်ပဲထားဦး
လက်ရှိအချိန်မှာ သေမင်းလက်ထဲက
Joker တချပ်က အရာရာမေ့လျှော့ခွင့်လေ
ဖြစ်နိုင်မယ်ဆို အကြိမ်တစ်ရာလောက်
သေလိုက်ချင်တယ်
ဟုတ်တယ်
တစ်ကြိမ်ထဲနဲ့တော့ နောက်ကြောက
ဓါးဒဏ်ရာတွေကို မေ့လို့ရဦးမှာမဟုတ်ဘူး...။

ဒီတစ်ခါ အနာဂါတ်အကြောင်း လာပြောရင်
-ီးပဲလို့ဆဲလွှတ်မိဖို့များနေပြီ
အခွင့်အရေးဆိုတဲ့စကားလာမပြောနဲ့
အဲ့ဒိဘ၀အာမခံချက်ဆိုတာတွေနဲ့ လာမမြူဆွယ်နဲ့
ကိုယ့်ဘ၀ကိုယ်ရေးနေတာ ခါးကဓါးဒဏ်ရာကိုင်မိတိုင်း
အယုံမလွယ်နဲ့ပြောနေသလိုပဲ
တစစ်စစ်နာတယ်....။

ကမ္ဘာပေါ်မှာအေးစက်မှုက ဒီလောက်ရက်စက်မှန်းမသိခဲ့ဘူး
ဒါတောင်ခေါင်းမာပြီးမခြုံတဲ့ အဖြူရောင်စောင်ကို
မျက်စပြစ်ပြနေသေးတယ်
ကျေးဇူးပြုပြီး ကျွန်တော့်အပေါ်
ကောင်းစေချင်တဲ့  ဆန္ဒ မထားပါနဲ့လား...။

ကတီပါဖိနပ်ကတော့ အခုထိစီးနေတုန်းပဲ
ရွှေထီးသာမဆောင်းဖြစ်တော့တာ
ဘ၀ထဲမှာ ကျွန်တော်
နားရွက်လေး ကိုလုံဖို့တောင် အနိုင်နိုင်
ကြိုးစားနေရတာ...။

ဒဏ်ရာတွေကြောင့် သွေးပူနေလို့တော်သေးတယ်
ကြာလာရင် ကျွန်တော်သွေးတွေခဲသွားတော့မယ်
အားလုံးကို "မုန်း"တယ်လို့အော်မိတော့မလို့
တော်သေးတယ် ကျွန်တော့်အမုန်းက
အဲ့ဒိထက်ပြင်းထန် လို့စိတ်ထဲမှာ နွေးနေတာ။

အေးခဲနေတဲ့အရပ်ဒေသ တစ်ခုထဲသောနွေးထွေးမှုတွေကို
နှလုံးသားထဲမြိုချလိုက်တယ်
ဘ၀မှာ ဒီလိုနဲ့ပဲ ကျွန်တော်အဆင်ပြေနေတာ။

အရင်လိုပါပဲလို့ သံပြိုင်အော်တော့ ကျွန်တော် အတော့ကိုမူးနေပြီ။
ကျွန်တော့်သူငယ်ချင်းတွေလဲ မူးနေလောက်ပြီ။
လက်ထဲက Guitar က Chords တွေကို ဘယ်လိုလိုက်ပြောင်းနေမှန်းတောင်မသိတော့ဘူး။
ဘေးကသူငယ်ချင်းက အောင်မြင့်မြတ်ချကွာ ဆို အဖြူရောင် အရည်တစ်ချို့ထပ်ထည့်ပေးတာမှတ်မိတယ်။
"ဒီနေရာကမင်းသိတဲ့ အတိုင်းပဲ ပတ်ဝန်းကျင်တစ်ခုလုံးရက်ရက်စက်စက်အေးစက်နေတာ မင်းရင်ဘတ်ထဲကို
နွေးထွေးတဲ့ ဒီအရက်ပဲဝင်နိုင်တယ်" လို့ပြောမှ ပတ်ဝန်းကျင်ရင် အေးစက်မှုဒဏ်ကိုသတိထားမိတယ်
နောက်ပြီး တစ်ကြိုက်မော့ချလိုက်တယ်။
"ကဲကဲ နောက်တစ်ပုဒ်"လို့ တစ်ယောက်က ထပြောတော့ ကျွန်တော်က
ကိုယ့်ဟာကိုမှန်မယ်ထင်တဲ့D key လေးနဲ့ ထူးအယ်လင်းနဲ့ မီးမီးခဲ ဆိုထားတဲ့ "မင်း" ကို
Intro အလုံးလေးတွေ စတီးလိုက်တယ်။
"ကမ္ဘာလောကကြီးခဏရပ်တံ့သွားသလိုပဲ ငါထင်တယ် မင်းနဲ့ဆုံတိုင်းကွယ်" ဆိုတဲ့စာသားကို စဆိုလိုက်တော့
သူငယ်ချင်းတွေက စိတ်မကောင်းသလိုကြည့်တယ် ပြီးတော့လိုက်မဆိုကြဘူး။
Chours ပိုဒ်မှာ မင်းဆိုတာ "မီး" ဆိုပြီးအစားထိုးဆိုဆိုနေလို့ မင်းရူးနေပြီလို့ သူတို့ပြောဘူးကြတာကိုး။
"သေချာတယ် ငါ့ရဲ့အသက်ဟာ မင်းပဲ"လို့သီချင်းကိုဆုံးချိန်မှာတော့ သူငယ်ချင်းတစ်ယောက်က ပုခုံးကိုလာ ကိုင်ပြီး။
"သားကြီး ငါစိတ်မကောင်းပါဘူးကွာ"လို့ပြောတော့ ကျွန်တော်"၀မ်းသာမိသေးတယ်"
ကျွန်တော်ပြန်ရောက်နေတဲ့ အရပ်ကနေ သူ့ စီကို မိသားစု ဘ၀တစ်ခု နွေးထွေးမှုတစ်ခု ကို မျှော်လင့်ပြီးထွက်သွားခဲ့တာ
လွန်ခဲ့တဲ့ ရှစ်လလောက်ကပေါ့။ အခုလိုပြန်လာဖြစ်လိမ့်မယ်လို ကြိုမတွေးထားလို့ အပြီးနှုတ်ဆက်ခဲ့တဲ့ အကိုလိုကျွန်တော့်အပေါ်ကောင်းတဲ့
သူငယ်ချင်းက "မင်းကြောင့် ငါတို့ဘယ်လောက်ရင်နာခဲ့ရလဲ"လို့ပြောတုန်းက အင်မတန်စိတ်မကောင်းဖြစ်မိတယ်။
"ဘာဖြစ်ဖြစ်ပြန်တွေ့တာဝမ်းသာတယ်"လို့ပြောပြီး ပွေ့ဖတ်လိုက်တော့မှ အေးစက်စက်အရပ်ဒေသက နွေးထွေးမှုကို ရှားရှားပါပါးရှာတွေ့ခဲ့ရတာ။
ကောင်မလေးရေ မင်းတို့ရဲ့ ခပ်ပူပူ အရပ်ဒေသ က မင်းပြောခဲ့တဲ့ အချစ်တွေက နားလည်မှု ဆိုတာ တည်ဆောက်ဖို့မှမဖြစ်နိုင်ခဲ့ကြပဲ။

ခပ်ကြမ်းကြမ်း အဖြူရေတွေကို တလှည့် ရေကိုတလှည့် သောက်ပြီး ပဲကြမ်းတစ်စေ့နှစ်စေ့ဝါးပြီးတော့ခွဲသွားတဲ့ သူငယ်ချင်းတွေအကြောင်းပြောတော့ ပြောမိသေးတယ်"ဘယ်လိုမှ မထင်ထားတဲ့ခွဲခွာမှုတွေနဲ့ ငါတို့ခွဲခွာခဲ့ရတယ် ဟောအခု ဘယ်လိုမှ မထင်နဲ့ ဆုံစည်းမှုတွေနဲ့ ပြန်ဆုံကြတယ်
တစ်နေ့ပြန်ဆုံရမယ်"ဆိုတဲ့ ယုံကြည်ချက်တွေ ပြန်ပြည့်လာတော့အားလုံး ၀မ်းနည်းတာ နည်းနည်းလျော့သွားကြတယ်။
အဲ့ဒိစကားကိုလက်လွတ်စပယ်ပြောပြီးတော့ အရက်ခွက်ကို မော့ချလိုက်တော့မှ စိတ်ထဲ ထင့်ကနဲဖြစ်သွားတယ်။
"ကောင်မလေးရေ မင်းနဲ့အတော်ဝေးကွာသွားကြပြီ" အလင်းမျှော်စင်ထဲကလို မျှော်ခဲ့သလို မိုင်ထောင်ပေါင်းများစွာဝေးကွာတဲ့ နေ ကနေတောင် နေရောင်ခြည် ရောက်နေနိုင်တာပဲ ဆိုတဲ့ယုံကြည်ချက်တွေ ပြောက်သွားပြီကွာ.။ ဒီနေရောင်ကို ကမ္ဘာကတောင် အချိန်အပိုင်းအခြားနဲ့သာ ပိုင်ဆိုင်ခဲ့ရတာ
မဟုတ်လား။ တစ်ဖက်လင်းဖို့ တစ်ဖက်က မှောင်ပေးခဲ့ရတာချည်းပဲလေ။ ငါကလောဘကြီးပြီး ပိုင်ဆိုင်ချင်ခဲ့တာ....။
ငါဆိုတဲ့ကောင်က အလင်းတိုးမပေါက်မှောင်တာလေ ဘာဖြစ်ဖြစ် ကျေးဇူးတင်ပါတယ် အလင်းဆိုတာ ကို မျက်စိကြိမ်းစွာခံစားခွင့်ရတဲ့တာအတွက်ပေါ့။
အခုတော့ ငါ့အရင်ဘ၀ အရင်နေရာမှာငါ ပျော်ပျော်ကြီးအသက်ရှင်ဖို့ အဆင်ပြေပြီ...။မင်းကတော့ မေ့လျော့ဖို့ အဆင်သင့်ဖြစ်နေပါပြီလေ။

အချိန်အခါမဟုတ်တဲ့ရွာချတဲ့မိုးကြောင့် နည်းနည်းလန့်သွားသေးတယ် နောက်တော့ဒီနေရာမှာထူးဆန်းတဲ့ကိစ္စမဟုတ်တော့စိတ်ထဲကပြုံးလိုက်မိသေးတယ်။
နောက်တစ်ပုဒ်ကတော့ F Chord လေးကိုကိုင်ပြီး "မိုးစက်တွေနဲ့ လေနဲ့ရောပြီးအပြေးနှင်လို့ရွာလေတိုင်း...."ဆိုပြီးIntro လေးအော်လိုက်တော့ သူငယ်ချင်းတွေအကုန်တူတူလိုက်ဆိုကြ နောက်Guitarတစ်လက်နဲ့ သူငယ်ချင်းတစ်ယောက်က ၀င်တီးနဲ့ကျွန်တော်တို့ ပွဲလေးကစိုစိုပြေပြေလေးပြန်ဖြစ်သွားပါတယ်။
နောက်တစ်ခွက်ပြီး နောက်တစ်ခွက် နောက်တစ်ခွက်နဲ့ အတော်မူးလာတဲ့အချိန်မှာတော့ ခေါင်းမိုးကယိုနေတဲ့ ရေကိုတောင်ဂရုမဆိုက်အားတော့ဘူး ထိုးအိပ်ဖို့ပြင်ကြတော့ သူချုံနေတဲ့စောင်လေး လာခြုံပေးတဲ့ သူငယ်ချင်းစီကနေ အတော်နွေးနွေး ခံစားချက်မျိုးရှာဖွေတွေ့ရှိခဲ့ပါတယ် ။ "သူငယ်ချင်းမင်းခြုံအိပ်ပါကွာ"လို့ ပြန်ပေးလိုက်တော့ သူကတို့က အကုန်တူတူခြုံအိပ်ကြမယ် ပြောတော့မှအကုန်သဘောတူကြတယ်။ အဲ့အချိန် အကိုတစ်ယောက်က "မင်းစောင်အားလုံးထက်နွေးမဲ့စောင်လေး ရှိတယ်လေကွာ" လို့ပြောပြီး ကျွန်တော့်ပစ္စည်းထည့်တဲ့အိပ်ကိုမေးငေါ့ပြတော့ "ကျွန်တော်ဒီစောင်ကိုခြုံတော့အိပ်မှာပါ ဘယ်တော့လဲဆိုတော့ ကျွန်တော်အောင်မြင်တဲ့နေ့"လို့ပြောတော့ အံ့သြသလိုကြည့်နေတယ် နောက်တော့မှ "အဲ့ဒါ သူမကိုမေ့သွားမဲ့နေ့ပေါ့အကိုရာ" လို့ပြောတော့ "ဆောရီးညီလေးရာ"ဆိုပြီးပြန်ပြောတယ် နောက်တယ်တူတူအိပ်ယာ ၀င်ဖြစ်ကြတယ်။ မိုးစက်တွေနဲ့အတူ အလွမ်းတွေကလဲ တဖွဲဖွဲ။

တစ်စုံတစ်ရာကိုနားလည်ဖို့အဆင်သင့်မဖြစ်ခင်
ငါတို့က မေ့လျော့ဖို့ပြင်ဆင်ခဲ့တာနော်...။
ချစ်သူရေးပေးခဲ့တဲ့ ဘ၀နေ့စွဲတစ်ချို့ကို
ဆေးရောင်မှိန်မှိန်နဲ့ ပြန်တွေ့ခဲ့ချိန်
သူ့ပေးခဲ့တဲ့ခွန်အားနဲ့ မျှော်လင့်စွာတက်ခဲ့ဖူးတဲ့
တောင်ထိပ်မှာ အသံကုန်အော်ပြစ်လိုက်တယ်
အလွမ်းတွေအကြောင်းပေါ့။

နောက်ဆုံးမှာဝန်ခံခြင်း
ကျွန်တော်ဒီလိုစာမျိုးတွေ မရေးဖြစ်အောင်ထိမ်းသိမ်းသည့်ကြားက မရည်ရွယ်ပဲရေးမိသွားတယ်။အမှန်အတိုင်းဝန်ခံရလျှင် ဒီအလွမ်းတွေက ကျွန်တော့် အက်ကွဲသံတွေပါ။ ဒါပေမယ့် ဒီစာထဲတွင်ပါဝင်သော သက်ဆိုင်သူအား မည်သို့မည်ပုံမျှ စိတ်အနှောက်အရှက်ပေးလိုခြင်း၊ အကြောင်းကြားလိုခြင်းမရှိကြောင်း
မိမိကိုယ်ကို ယုံကြည်သဖြင့် လိပ်ပြာသန့်စွာနဲ့ ကျွန်တော့်blog တွင်ရေးသားလိုက်ပါသည်။ ကျွန်တော်က ချစ်ခြင်းတရား၏ ပါဝင်ပစ္စည်းများအနက်မှ အလွမ်းများ အကြောင်းအား အောက်သက်ကြေစွာ ဖတ်ရှုခဲ့သူတစ်ဦးပါ...။

[၁]
ကျွန်တော်မှာ အရောင်မှိန်ခဲ့တဲ့အိပ်မက်တစ်ချို့ရှိတယ်....။
အဲ့ဒါကိုကျွန်တော်ယူပြီး အခမ်းအနားတစ်ခုပြင်ဆင်လိုက်တယ်
နောက်ပြီးအခမ်းအနားခေါင်းစဉ်းမှာ အိပ်မက်များ၏ဇာပနလို့ပေးလိုက်တယ်။
အဲ့ဒိအခမ်းအနားမှာ ကျွန်တော်နာနာကျင်ကျင်ငိုကျွေးနေခဲ့တာကို ကျွန်တော်တွေ့ရတယ်။
[၂]
ရာသီဥတုခပ်အုံ့အုံ့မှိုင်းကို အရမ်းကြိုက်တက်တဲ့ ကျွန်တော်က တောက်ပခွင့်ဆုံးရှုံးခဲ့လို့
ငိုကျွေးနေတဲ့ကျွန်တော့်ကို တွေ့လိုက်ရတော့ဘယ်လောက်ဝမ်းနည်းသွားတယ်မှတ်လဲ။
တကယ်ပါ ကျွန်တော်မသိတဲ့ ကျွန်တော့်တစ်ခြားတစ်ဖတ်ကို ကျွန်တော်ရောက်သွားခဲ့တာ။
[၃]
ဘ၀ဆိုတာ ကိန်းဂဏန်းတစ်ခု ထားပါတော့....။ အတိတ်တုန်းက ရခဲ့ဘူးတဲ့ ၁မှ၉ အတွင်းက
တန်ဖိုးတစ်ချို့ပါမယ် နောက်ပြီး ခဏခဏတွင်းဆုံးကြတက်တဲ့ သုည တွေအကြောင်းပါမယ်
နောက်ပြီး အနောက်မှာနေလို့မရတဲ့ သုညတစ်လုံးရဲ့ ရာဇ၀င်ပါမယ်။ ဒီလိုနဲ့ ဘ၀က အလိုလို
ပြည့်စုံသွားတယ်။
[၄]
အမုန်းတွေကိုတွေ့တော့ ခါးထဲက တစစ်စစ်နဲ့နာလာတယ် ။
နောက်ကြောကို ဓါးချက်တွေဝင်လာတော့မှ သစ္စာဖောက်ခံရမှန်းသိခဲ့တာ
လုံးဝအဖြူထည် မဟုတ်ခဲ့တောင် အတန်အသင့် ရိုးသားခဲ့တာပါ....။
[၅]
ငယ်ငယ်က အမေဆိုပြတဲ့ မှားတဲ့ဘက်ကသီချင်းနဲ့ ဘ၀ကိုသာယာပြစ်လိုက်တယ်
နောက်ဆုံးတော့ ကျွန်တော် (သို့မဟုတ်) ဗလာ။
[၆]
အခန်းဆက်ဝတ္ထုတွေခေါင်းထဲရောက်လာတော့ ဒုက္ခတွေနဲ့သာယာခဲ့ဘူးတဲ့အိမ်လေးသတိရတယ်။
အလွမ်းတွေအကြောင်း နောက်ကြောင်းပြန်တုန်းက သစ္စာဖောက်ခန်းမပါခဲ့ပါလား...။
[၇]
အရင်တစ်ခါ အရင်နေရာမှာ ဟုတ်တယ်သေချာတယ် ဒါ ဒီဂျာဗူး မဟုတ်ဘူး။
ကျွန်တော် အခုမှတောင်တစ်ခုရဲ့ ထိပ်ကနေ ကောင်းကင်ကို အကြယ်ဆုံးကြည့်ခွင့်ရတာ။
[၈]
ငယ်ငယ်တုန်းက သက်တံဆိုတာကို အသဲအမဲလိုက်ရှာဘူးတယ်....
အရွယ်ရောက်လာချိန်မှာတွေ့လိုက်ရတာ သူဟာလဲခပ်မှိန်မှိန်ရှိနေတက်တာပဲလေ
သက်တံ့ကိုကျွန်တော် အခုအချိန်ထိ ထွန်းထွန်းလင်းလင်း မတွေ့ဘူးတာလဲဖြစ်နိုင်တာပေါ့။
[၉]
ပျံသန်းသွားတဲ့ငှက်ကလေးကိုလှမ်းတွေ့တော့ သနားတယ်
သူ့မှာ အမြင့်ပျံနေနိုင်ပေမဲ့ အောက်က အန္တရာယ်ကိုကြောက်နေရတာလေ။
အဲ့ဒါပဲ ကျွန်တော်က ပုံပြင်ထဲကစပျစ်သီးခူးတဲ့ထဲက မြေခွေးကိုလှောင်တုန်းက
ကိုယ့်ကိုကိုမမြင်သေးဘူး။
[၁၀]
မီးရောင်ခပ်မှိန်မှိန်နဲ့ဒိုင်ယာရီချရေးမယ် တစ်နေ့နေ့ဖြစ်ခွင့်ဆိုတဲ့ မျှော်လင့်ချက်စာသားလေး
တစ်စွန်းတစ်စပါလာမယ်ဆိုရင် အဲ့ဒါအမှန်တရားဖြစ်နိုင်တယ်။
ဘ၀ဆိုတာ ဇတ်သိမ်းပြေးကြည့်ရင် သိပ်ထူးထူးဆန်းဆန်းတစ်ခုမှမရှိပါဘူးကွယ်။
အမှန်းတစ်ရားတွေသာ ရိုက်မယ်ဆိုရင် ဇတ်သိမ်းခန်းမှာ
ဇတ်ကောင်အကုန်ကို ဒါရိုက်တာတွေ စာရေးဆရာတွေ သတ်ပြစ်ဖို့လိုလာပြီ
Happy Ending ဆိုတာက ဘယ်နားမှာမှရှာမတွေ့တာခက်တယ်။
[၁၁]
Facebook က Life Box ကိုဖွင့်လိုက်တယ် ဘာလေးများထွက်လားမလဲလို့.....
ဘ၀ကိုလဲ ကျွန်တော်ဖွင့်လိုက်တယ် တစ်ခုခုထွက်လာမယ်မှတ်တာ
နောက်ဆုံးတော့ကျွန်တော် ပြာ.......။
[၁၂]
ဒီလိုရှိတယ် သေချင်းတရားမှာ ကိုယ်ပိုင်စီရင်ခွင့် မရှိမရှိငြင်းခုံကြမယ်ဆိုပါစို့
အစွဲတွေမပါဘူးဆိုရင် ရှိတယ်လို့ပြောနိုင်တယ်....
နောက်ဘ၀ဆိုတာရှိမယ်ပဲထားပါဦး သေခြင်းတရားမှာ အရသာအရှိဆုံးက
အရာရာမေ့သွားခြင်းလေ။
[၁၃]
ရယ်သံခပ်ကြယ်ကြယ်နဲ့ မီးရောင်ခပ်မှိန်မှိန်လေးအောက်မှာ သာယာမှုတစ်ချို့ရှိတယ်။
အတူဝေမျှသောက်သုံးခဲ့တဲ့ အပေါစား အရက်တွေအတွက် ကဲ နောက်တစ်ခွက်ဒီမှာ။
Cheers!